Краток преглед на наставната програма:

Со обуките за Професионален развој имаме за цел да внесеме иновација и претприемништво во едукативниот процес, интердисциплинарно изучување на наука, технологија, инженерство, уметност и математика, да овозможиме на децата и младите без оглед на годините да се стекнат со вештини и знаења кои ќе допринесат за благосостојбата на општеството, да допринесеме кон формирање луѓе со лидерски вештини и социјална свест, да креираме и промовираме соработка од областа на образованието во Република Македонија, како и другите држави од Европа и светот.

Преку образовни програми од иновативниот сектор и новите технологии, допринесуваме за подобар пристап во пресрет на општествените предизвици, преку промоција на истражувања за образование на иднината, за организирање образовни активности и исто така преку напредни форми на образовно уредување.

Обуките за професионален развој сe работилници со соодветна тема на програмата за професионалниот развој на наставници, воспитувачи, негуватели и други стручни лица вклучени во воспитно и образовен процес на децата.

Целта е да допринесат во развој на способности и вештини неопходни за животот на 21-ви век, развој на комуникација, концентрација, логичко размислување, фина моторика, упорност, истрајност, независност, одговорност, разбирање на процеси, работа во тим, почитување на правила на играта, емоционална контрола со финално чувство на контрола, успех и победа, со употреба на LEGO® коцки како визуелни помагала со кои се реализира содржината на часовите.

Пристапот се базира на добро испланиран и практичен образовен процес кој вклучува комбинација од учење и забава, преку употреба на Спирално учење и Учење засновано на решавање проблеми (PBL) – Методологии присутни во сите наши програми, работилници и предавања.

Нашата улога како предавачи е да воспоставиме комуникација со Вас и на тој начин да ја пренесеме нашата интернационална експертиза за која сме застапници а на тој начин ке допринесеме во остварување на потребите за подобра инклузија и социјализација на сите деца, користејќи го Израелскиот пристап во едуцирање и методологијата на LEGO® Education за која сме сертифициран партнер со сертифициран наставен кадар.

Краток преглед на  програмата:

LEGO® камп активностите претставуваат возбудливо искуство на едукација низ забава за учесниците од сите возрасти. Вашето дете го збогатува своето знаење преку континуирано учење во текот на летните и зимските распусти. Ние нудиме неколку вида на учество во нашите LEGO® кампови: LEGO® во нашиот камп и LEGO® во Вашиот камп.

Краток преглед на наставната програма:

e² Young Engineers има подготвено возбудливи роденденски забави за деца од сите возрасти. Вашето дете и сите гости добиваат по еден од нашите LEGO® комплети. Има многу модели од кои секој гостин може да направи свој модел и да игра со него. Децата учат додека заедно го правиме моделот.

Young Engineers се специјализирани за организирање на несекојдневни настани и нивно спроведување на неконвенционален начин. Lego роденден е наша активност која се прилагодува на потребите на Вашето дете и гостите. Можеме да ја прилагодиме забавата за низа различни типови на настани, за која било возрасна група и за која било големина на групата. Ова е единствена роденденска забава во која сите уживаат.

Краток преглед на наставната програма:

Специјално дизајниран програм на Young Engineers, преку кој со помош на LEGO коцки се овозможува поттикнување на способноста за правилното процесирање, разбирање и интегрирање на сензорната информација, со цел да се создаде подобрена самостојност и учество во секојдневните животни активности, играта и училишните обврски кај децата со попреченост во развојот. Веруваме во инклузивното образование, затоа нудиме и посебни програми кон децата на кои најмногу им е потребно. Со цел да помогнеме, нашите активности се насочени и кон децата со:

⦿ Оштетување на видот,
⦿ Оштетување на слухот,
⦿ Oграничена мобилност,
⦿ Продорни нарушувања во развој (Pervasive development disorders – PDD),
⦿ Синдром на дефицит на внимание и хиперактивност (Attention deficit-hyperactivity disorder – ADHD).

Краток преглед на програма:

Програмата за вработени и компании е најефикасен начин за оспособување на лицата со личен раст и развој, за зголемување на свесноста и препознавање на сопствените капацитети и капацитетите на другите, развивање на работните и комуникациски вештини со другите, поврзување со тимот, спознавање на тимот и развивање на позитивна атмосфера.

Вработените и нивните индивидуални вештини го сочинуваат колективниот потенцијал на една компанија. Затоа, инвестирањето во нив е клучно за подобрување на секојдневните процеси и обезбедување на успешна иднина за претпријатието.

Овозможете им на Вашите вработени да се стекнат со уникатнo искуство за возрасни преку креирање на модели со LEGO коцки а со помош на нашите специјално обучени едукатори кои дружењето меѓу вработените можат да го направат незаборавно, за време на работата или како после работна активност. Сите потребни материјали за конструкцијата и изведување на активноста се наша грижа а се наменети за компании од различна големина и дејност.